کەرکوک

سێ ئەفسەری کوردی پۆلیسی نەوتی کەرکوک دەستبەسەر کران


بەتۆمەتی ھەڵکردنی ئاڵای ھەرێمی کوردستان لەسەر کۆمپانیای نەوتی کەرکوک، سێ ئەفسەری کوردی شارەکە لە دوێنێ شەوەوە دەستبەسەرکراون، کە یەکێکیان برای پەرلەمانتارێکی عێراقە.

 

شەوی ڕابردوو ٢٦ی کانوونی یەکەم، تیمێکی لێکۆڵینەوەی کاروباری ناوخۆیی بەغدا ھاتوونەتە شاری کەرکوک، بۆ لێکۆڵینەوە لەگەڵ سێ ئەفسەری کورد، بەبیانووی ئەوەی لەڕۆژی ھەڵکردنی ئاڵای ھەرێمی کوردستان، لە کەرکوک ئاڵایان لەسەر کۆمپانیای نەوتی کەرکوک ھەڵکردووە.

 

ئەو سێ ئەفسەرە، لەشەوی ڕابردووەوە تاوەکو ئێستا لەناو کۆمپانیای نەوتی کەرکوک، لەلایەن تیمەکەی کاروباری ناوخۆیی عێراق-وە دەستبەسەر کراون، کە ناوەکانیان موقەدەم، ئەحمەد عوسمان، ڕائید، سرۆ حوسامەدین جەباری و موقەدەم شێرزاد.

 موقەدەم، ئەحمەد عوسمان دەکاتە برای محەمەد عوسمان، پەرلەمانتاری فراکسیۆنی یەکێتی لە ئەنجومەنی نوێنەرانی عێراق 

 رۆژ نیوز - کوردستان چوار 


1392بینین‌‌‌
2 هەفتە پێشتر - Dec 26 2017 7:30PM
Print Friendly and PDF