کەرکوک

بەرەی تورکمانی : ھەولێرو سلێمانی کەرکوکیان لەدەستداوەو دەیانەوێت کۆنترۆڵی بکەنەوە


بەرپرسانی بەرەی تورکمانی عیراق نیگەرانن لە زیادبونی ھێرشەکان بۆ سەر بارەگاکانی بەرەی تورکمانی لە شاری کەرکوک دەربڕی. 
ئەرشەد ساڵحی سەرۆکی بەرەی تورکمانی عیراق لە لێدوانێکدا بۆ ئاژانسی ئەنادۆڵ رایگەیاندوە: ھێرشکردنە سەر بارەگاکانی بەرەی تورکمانی لەشاری کەرکوک کاری رێکخراوێکە کە دەیەوێ سەقامگیری شارەکە تێکبدات.
ساڵحی راشیگەیاندوە، پێش کۆنترۆڵکردنی شاری کەرکوک لەلایەن ھێزەکانی سەر بەحکومەتی عیراقەوە، تورکمانەکانی شاری کەرکوک لایەنگری حکومەت بون و ئەم ھەڵوێستەش بۆتە جێگەی ناڕەزایی بەشێک لە گروپەکان و دەیانەوێ تۆڵە لە تورکمانەکان بکەنەوە. 
لەبەشێکی تردا ئەرشەد ساڵحی ئاماژەی بەوەشکردوە، نیگەرانن لە زیادبونی ھێرشەکان و ھەولێرو سلێمانی کە کۆنترۆڵی شاری کەرکوکیان لەدەستداوە، پشتیوانی لەم ھێرشبەرانە دەکەن و پارتە سیاسییە کوردییەکان پشتیوانیانن، ئەوان ھیچ پەیوەندییەکیان بە رێکخراوی دەوڵەتی ئیسلامی (داعش)ـەوە نییەو تەنھا رێگەیەکی نایاسایی پارتە سیاسییە کوردییەکانە کە دەیانەوێت کۆنترۆڵی شارەکە بکەنەوە.
جێی ئاماژەیە شەوی رابردوو ژمارەیەک چەکدار ھێرشیانکردە سەر بارەگای بەرەی تورکمانی لەشاری کەرکوک.


2875بینین‌‌‌
مانگ پێشتر - Dec 17 2017 8:56PM
Print Friendly and PDF