کەرکوک

بەغدا دەیەوێت ئاوارە كوردە گەڕاوەكانی كەركوك دەربكات


حکوومەتی بەغدا لە رێگەی فۆڕمی خۆراکەوە داوای لیستی ناوی ئاوارە کوردەکانی شاری کەرکووکی کردووە، بەرپرسێکی پارتیش دەڵێ، ناوەکان رەوانەی بەغدا کراون و عێراق پیلانی ھەیە بۆ دەرکردنی ئەوانەی دوای ئازادی عێراق گەڕاونەتەوە شوێنی خۆیان.
 محەممەد خوڕشید، بەرپرسی لقی ٣ی پارتی لە کەرکووک، بە ماڵپەڕی حزبەکەی راگەیاندوە، "حکوومەتی بەغدا دەستی بە عەرەباندنی شاری کەرکووکی کردووە و لە رێگەی فەرمانگەی خۆراک و دانەوێڵەی کەرکووکەوە، داوای ھەموو ئەو ناوانەی کردووە کە لە دوای ساڵی ٢٠٠٣ لە ھەرێمی کوردستان گوازراونەتەوە بۆ شاری کەرکووک و پێشتر لە ھەرێمی کوردستان بوون، بڕیارەکە بەو شێوەیە لە بەشی پلاندانانی وەزارەتی بازرگانی عێراق، داوای ھەموو ناوەکانیان کردووە، ئەوانەی لە ھەرسێ پارێزگاکانی ھەرێمی کوردستانەوە گوازراونەتەوە بۆ کەرکووک لیستی ناوەکانیش ئامادەکراوە".
 (محەممەد خوڕشید) مەترسی خۆی لەو بڕیارەی بەغدا ناشارێتەوە و دەڵێت، "بەپێی زانیاری و بەدواداچوونی ئێمە، ناوی ھەموو ئەو ئاوارە کوردانەی دوای پڕۆسەی ئازادی عێراق گەڕاونەتەوە بۆ کەرکووک رەوانەی بەغدا کراون، ئیتر چاوەڕێی بڕیاری بەغداین، پێمانوایە بڕیاری بەغداش ئاشکرایە و دەیەوێ ھەموو ئەو ماڵە کوردانەی گەڕاونەتەوە شاری خۆیان، دەربکات".


865بینین‌‌‌
مانگ پێشتر - Dec 17 2017 8:20PM
Print Friendly and PDF