کوردستان

حەشدی شەعبی ھیرش کردە سەر بارەگاکانی بەرەی تورکمانی


سایتی پی یو کەی میدیا لەزاری سەرچاوەیەکەوە بڵاویکردەوە کە ئەمڕۆشەڕو روبەڕووبونەوە لەنێوان چەکدارانی عەسائیبی ئەھلی حەق و نوسینگەی بەرەی تورکمانی لەدوزخورماتوو روویدا و ئێوارەی ئەمڕۆ چەکدارانی عەسائیب پەلاماری ئەو بارەگایەیان داو بەتەواوی سووتانیان.

ئەوەشیخستەڕوو کە دوانیوەڕۆی ئەمڕۆ  فەوجی یەکی لیوای ١٦ی حەشدی شەعبی کە بارەگاکەیان لە بەشیرو تازە خورماتووە، لەنزیک ناحیەی رەشاد کەوتنە بۆسەیەکی تیرۆرستانی داعشەوە و بەو ھۆیەشەوە چوار چەکداری حەشدی شەعبی کوژران و چواری دیکەیشیان برینداربوون.

سەرچاوەکە راشیگەیاند ‌دوای کشانەی ھێزەکانی پێشمەرگە لەو سنورانە بە ئاشکرا مەفرەزەی تیرۆرستانی داعش لە لەیلان و داقوق و دوزخورماتوو دەبێنرێن، بە تایبەت لە زەل و قامیشەکانی چەمی رۆخانە، لەماوەی رابردووشدا چەندین جار تەقەیان لە خەڵک و چەکدارانی حەشدی شەعبی کردووە.


5481بینین‌‌‌
4 ڕۆژ پێشتر - Nov 14 2017 9:29PM
Print Friendly and PDF
زۆرترین بینراو
  • 24 کاتژمێر
  • هەفتە
  • مانگ